Related Posts
Category : National
આવતીકાલથી બદલશે ગુરુની ચાલ:2 જૂન સુધી મિથુન રાશિમાં રહેશે, કન્યા-ધનના જાતકોનો રાજયોગ શરૂ
11 માર્ચના રોજ ગુરુ ગ્રહ મિથુન રાશિમાં માર્ગી થઈ રહ્યો છે. જ્યારે ગુરુ ગ્રહ માર્ગી થાય છે, ત્યારે તેના ફળોમાં સકારાત્મકતા આવે છે. ગુરુ 2 જૂન સુધી આ જ રાશિમાં રહેશે અને પછી પોતાની ઉચ્ચ રાશિ કર્કમાં પ્રવેશ કરશે. કુંડળીમાં ગુરુ ગ્રહના દોષ દૂર કરવા માટે ॐ બૃં બૃહસ્પતયે નમઃ નો જાપ કરવો જોઈએ. ગુરુવારે પીળા ફળ દાન કરવા લાભદાયક રહે છે. ઉજ્જૈનના જ્યોતિષાચાર્ય પં. મનીષ શર્મા પાસેથી જાણો તમામ 12 રાશિઓ માટે ગુરુ ગ્રહની અસર કેવી રહી શકે છે.
મેષ
ગુરુનું માર્ગી થવું તમારા સાહસ અને પરાક્રમમાં વૃદ્ધિ કરશે. નાના ભાઈ-બહેનો સાથેના સંબંધોમાં સુધારો થશે અને તમારા દ્વારા લેવાયેલા સાહસિક નિર્ણયો હવે ફળદાયી સાબિત થશે. સંચાર કૌશલ્ય સુધરવાથી વેપાર અને નોકરીમાં નવી તકો મળશે. ધાર્મિક યાત્રાઓના યોગ બની રહ્યા છે.
વૃષભ
તમારી વાણીમાં મધુરતા આવશે, જેનાથી પરિવારના સભ્યો સાથે ચાલી રહેલા વિવાદો સમાપ્ત થશે. આર્થિક પક્ષ મજબૂત થશે અને ધન સંચય કરવામાં તમે સફળ રહેશો. રોકાણ માટે આ સમય ખૂબ જ ઉત્તમ છે. પૈતૃક સંપત્તિ સંબંધિત મામલાઓમાં તમને સફળતા મળી શકે છે.
મિથુન
ગુરુ તમારી રાશિમાં માર્ગી થઈ રહ્યો હોવાથી, આ સમય તમારા વ્યક્તિત્વમાં નિખાર લાવશે. માનસિક શાંતિનો અનુભવ થશે અને નિર્ણય લેવાની ક્ષમતા વધશે. સ્વાસ્થ્યમાં સુધારો થશે અને સમાજમાં માન-સન્માન વધશે. વૈવાહિક જીવન અને ભાગીદારીના કાર્યોમાં પ્રગતિ થશે.
કર્ક
તમારા માટે આ સમય મિશ્ર રહેશે. ધાર્મિક અને આધ્યાત્મિક કાર્યોમાં તમારી રુચિ વધશે, પરંતુ ખર્ચાઓ પર નિયંત્રણ રાખવું જરૂરી બનશે. વિદેશી સંપર્કોથી લાભ થવાની સંભાવના છે. 2 જૂન પછી જ્યારે ગુરુ તમારી રાશિમાં આવશે, ત્યારે તમારા ખૂબ સારા સમયની શરૂઆત થશે, ત્યાં સુધી ધીરજ રાખો.
સિંહ
ગુરુનું માર્ગી થવું તમારી આવકના નવા સ્ત્રોત ખોલશે. લાંબા સમયથી અટકેલા કામ હવે પૂરા થવા લાગશે. મોટા ભાઈ-બહેનો અને મિત્રોનો પૂરો સહયોગ મળશે. જે લોકો સંતાન પ્રાપ્તિની ઈચ્છા રાખે છે, તેમના માટે આ સમય શુભ સમાચાર લાવી શકે છે. તમારી મહત્વાકાંક્ષાઓ પૂરી થશે.
કન્યા
કાર્યક્ષેત્ર અને કારકિર્દી માટે આ સમય વરદાનરૂપ સાબિત થશે. નોકરીમાં પદોન્નતિ અને પગાર વધારાના પ્રબળ યોગ છે. ઉચ્ચ અધિકારીઓ સાથે તમારા સંબંધો મજબૂત થશે. જો તમે નવો વ્યવસાય શરૂ કરવા માંગો છો, તો આ સમયગાળો ખૂબ જ લાભકારી છે. સામાજિક પ્રતિષ્ઠામાં ભારે વૃદ્ધિ થશે.
તુલા
ભાગ્યનો સાથ મળશે. તમારી લાંબા અંતરની યાત્રાઓ સુખદ અને સફળ રહેશે. ઉચ્ચ શિક્ષણની તૈયારી કરી રહેલા વિદ્યાર્થીઓ માટે આ સમય શ્રેષ્ઠ છે. પિતા અને ગુરુઓના આશીર્વાદ તમને દરેક મુશ્કેલીમાંથી બહાર કાઢશે. ધર્મ-કર્મમાં તમારી સક્રિયતા વધશે.
વૃશ્ચિક
તમારે તમારા સ્વાસ્થ્યનું વિશેષ ધ્યાન રાખવાની જરૂર છે. અચાનક ધન લાભના યોગ બનશે, પરંતુ સાથે ખર્ચ પણ વધી શકે છે. સંશોધન અને નવી વિદ્યાઓમાં રસ ધરાવનારાઓ માટે આ સમય સારો છે. સાસરા પક્ષ સાથેના સંબંધોમાં ઉતાર-ચઢાવ આવી શકે છે, વાણી પર સંયમ રાખો.
ધન
વૈવાહિક જીવનમાં ખુશીઓ પાછી ફરશે અને જીવનસાથી સાથે સુમેળ વધશે. વ્યાપારિક ભાગીદારીમાં મોટો નફો થવાની સંભાવના છે. તમારા અટકેલા કાનૂની મામaલાઓ ઉકેલાઈ શકે છે. જો તમે અપરિણીત છો, તો લગ્નના પ્રસ્તાવ આવી શકે છે. લોકપ્રસિદ્ધિ મળવાના યોગ છે.
મકર
પ્રતિસ્પર્ધાત્મક પરીક્ષાઓની તૈયારી કરી રહેલા લોકોને સફળતા મળવાના યોગ છે. તમારા શત્રુઓ પરાસ્ત થશે અને જૂના દેવામાંથી તમને મુક્તિ મળી શકે છે. જોકે, તમારા સ્વાસ્થ્ય અને ખાનપાન પ્રત્યે સચેત રહો. કાર્યક્ષેત્રમાં મહેનત વધુ રહેશે, પરંતુ તેનું ફળ પણ તમને ચોક્કસ મળશે.
કુંભ
પ્રેમ સંબંધ માટે આ સમય સુખદ રહેશે. બુદ્ધિ અને વિવેકના બળ પર તમે કઠિન કાર્યોને પણ સરળતાથી પૂરા કરી લેશો. સંતાન પક્ષ તરફથી કોઈ શુભ સમાચાર મળી શકે છે. રોકાણથી લાભ થવાની સંભાવના છે. તમારી રચનાત્મકતા ચરમસીમા પર હશે.
મીન
જમીન, મકાન અને વાહન સુખમાં વૃદ્ધિ થશે. પારિવારિક સુખ-સુવિધાઓ પર તમે ધન ખર્ચ કરશો. માતાના સ્વાસ્થ્યમાં સુધારો થશે અને ઘરનું વાતાવરણ શાંતિપૂર્ણ રહેશે. કાર્યક્ષેત્રમાં પણ તમારી સ્થિતિ મજબૂત થશે. પ્રોપર્ટી સંબંધિત જૂના વિવાદોનો નિકાલ તમારા પક્ષમાં થઈ શકે છે.
Load more
